Diluns 01 de febrièr la nòstra classa es anada al musèu de l’escòla a Ciutat.
Es Jules Ferry, ministre a l’epòca qu’a rendut l’escòla obligatòria e gratuita en 1882.
Los dròlles e las filhas èran desseparats fins a 1960.
Los escolans venián a pè a l’escòla del vilatge o del barri amb lor cauçaduras, lor cartable e lor trossa de fusta.
En arribar devián presentar lors mans al mèstre per verificar lor netetat.
Metián, coma lo regent , una blòda per començar la classa e cada jorn un enfant portava una soca per poder alucar lo fornet e rescalfar las gamèlas : i aviá pas de cantina !
En classa, los enfants escrivián a la pluma de fèrre e a la tinta violeta : cada taula aviá un trauc per plaçar cada matin lo tintièr.
Pendent la visita, avèm pogut metre cadun una blòda e escriure a la pluma « gauloise » e « sergent major » : foguèt dificil de pas faire de tacas ! Urosament aviam un papièr secador !
Per acabar la visita, la dòna nos aprenguèt qu’en 1880 una lei impausèt als regents de formar los dròlles al manejament del fusil pendent que las filhas aprenián a cordurar !
